*==ಮಾಹಿತಿ ವೇದಿಕೆ==*
*ವಲಸಿಗರಿಗೆ ಬಂಪರ್‌ ಆದಾಯ: ವಿಶ್ವದಲ್ಲೇ ಮುಂಬಯಿ ಫಸ್ಟ್‌*
#########₹₹######
*ಮುಂಬಯಿ : ದೇಶದ ಆರ್ಥಿಕ, ವಾಣಿಜ್ಯ ಮತ್ತು ಮನರಂಜನೆ ರಾಜಧಾನಿಯಾದ ಮುಂಬಯಿನಲ್ಲಿ ವಲಸಿಗರು ಹೆಚ್ಚಿನ ಆದಾಯ ಗಳಿಸುತ್ತಿದ್ದಾರೆ. ವಿಶ್ವದ ಇತರೆ ನಗರಗಳಿಗೆ ಹೋಲಿಸಿದರೆ ತಮ್ಮ ಕೆಲಸಗಳಿಗೆ ಮುಂಬಯಿನಲ್ಲಿ ಉತ್ತಮ ವೇತನ/ಆದಾಯ ಪಡೆಯುತ್ತಿದ್ದಾರೆ ಎಂದು ಎಚ್‌ಎಸ್‌ಬಿಸಿ ಬ್ಯಾಂಕ್‌ ಇಂಟರ್‌ನ್ಯಾಷನಲ್‌ ಲಿಮಿಟೆಡ್‌ ಸಮೀಕ್ಷೆಯಲ್ಲಿ ಹೇಳಲಾಗಿದೆ.*
#######₹#########
*ಉತ್ತಮ ಆದಾಯದಿಂದಾಗಿ ವಿದೇಶಿಯರು ಮುಂಬಯಿನತ್ತ ನೋಡುವಂತಾಗಿದೆ. ಇಲ್ಲಿ ವಾರ್ಷಿಕ ಗಳಿಕೆ ಸರಾಸರಿ 2,17,165 ಡಾಲರ್‌ನಷ್ಟಿದೆ(ಅಂದಾಜು 1.4 ಕೋಟಿ ರೂಪಾಯಿ). ಜಾಗತಿಕವಾಗಿ ವಲಸಿಗರ ಸರಾಸರಿ ಗಳಿಕೆಗೆ(64 ಲಕ್ಷ ರೂ.) ಹೋಲಿಸಿದರೆ ಇದು ಎರಡು ಪಟ್ಟು ಜಾಸ್ತಿ.*
##############
*ವಿಶ್ವದ 52 ನಗರಗಳಲ್ಲಿನ 27,587 ವಲಸಿಗ ಉದ್ಯಮಿಗಳನ್ನು ಸಮೀಕ್ಷೆಯಲ್ಲಿ ಬಳಸಿಕೊಳ್ಳಲಾಗಿದ್ದು, ಯಾವುದು ಉತ್ತಮ ನಗರ ಎನ್ನುವುದನ್ನು ವಿಶ್ಲೇಷಿಸಲಾಗಿದೆ. ಮುಂಬಯಿ ನಂತರದ ಸ್ಥಾನದಲ್ಲಿ ಸ್ಯಾನ್‌ಫ್ರಾನ್ಸಿಸ್ಕೊ(ಒಬ್ಬ ವಲಸಿಗನ ಸರಾಸರಿ ಆದಾಯ ವಾರ್ಷಿಕ 1.34 ಕೋಟಿ ರೂ.) ಇದೆ. ಮುಂಬಯಿ ಹೊರತುಪಡಿಸಿದರೆ, ಈ ಪಟ್ಟಿಯಲ್ಲಿ ಏಷ್ಯಾದ ಶಾಂಘೈ, ಜಕಾರ್ತ ಮತ್ತು ಹಾಂಕಾಂಗ್‌ ನಗರಗಳಿವೆ.*
#############
*31 ನಗರಗಳಲ್ಲಿನ ವಲಸಿಗರ ಸರಾಸರಿ ಗಳಿಕೆ 64.6 ಲಕ್ಷ ರೂ.(1 ಲಕ್ಷ ಡಾಲರ್‌) ಇದೆ. 21 ನಗರಗಳಲ್ಲಿ ಗಳಿಕೆ ಕಡಿಮೆ ಇದ್ದು ಎಡಿನ್‌ಬರ್ಗ್‌ ಕಡೆಯ ಸ್ಥಾನದಲ್ಲಿದೆ. ಮುಂಬಯಿನಲ್ಲಿನ ವಲಸಿಗರು, ಇತರೆ ನಗರಗಳಿಗೆ ಹೋಲಿಸಿದರೆ ಹೆಚ್ಚಿನ ಆದಾಯ ಪಡೆಯುತ್ತಿದ್ದಾರೆ. ಆದಾಗ್ಯೂ, ಮುಂಬಯಿ ಮತ್ತಿತರ ಏಷ್ಯಾದ ನಗರಗಳಲ್ಲಿ ವಲಸಿಗರಿಗೆ ಉದ್ಯೋಗಾವಕಾಶಗಳ ಸಂಖ್ಯೆ ಕಡಿಮೆ ಇವೆ. ಈ ನಿಟ್ಟಿನಲ್ಲಿ ಲಂಡನ್‌, ಸ್ಯಾನ್‌ ಫ್ರಾನ್ಸಿಸ್ಕೊ, ನ್ಯೂಯಾರ್ಕ್‌, ಡಬ್ಲಿನ್‌, ಬರ್ಮಿಂಗ್‌ಹ್ಯಾಮ್‌ ನಗರಗಳು ಟಾಪ್‌ 5 ನಗರಗಳಾಗಿ ಗುರ್ತಿಸಿಕೊಂಡಿವೆ.*
###########₹###
*'ಅಮೆರಿಕ ಮತ್ತು ಬ್ರಿಟನ್‌ನ ಆರ್ಥಿಕ ಮತ್ತು ತಾಂತ್ರಿಕ ನೆಲೆಗಳು ಮಹತ್ವಾಕಾಂಕ್ಷಿ ವಲಸಿಗ ಉದ್ಯೋಗಿಗಳನ್ನು ಸೆಳೆಯುವಂತಿವೆ. ವೃತ್ತಿ ಬದುಕಿನಲ್ಲಿ ಮುಂದಿನ ಹಂತಕ್ಕೆ ಸಾಗಲು ನೆರವಾಗುವಂತಿವೆ,' ಎಂದು ಎಚ್‌ಎಸ್‌ಬಿಸಿ ಎಕ್ಸ್‌ಪ್ಯಾಟ್‌ ಮುಖ್ಯಸ್ಥ ಡೀನ್‌ ಬ್ಲಾಕ್‌ಬರ್ನ್‌ ಹೇಳಿದ್ದಾರೆ.*
################
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ